上回提及好忙好忙咁同小熊貓去玩,
直至現在小熊貓都係好喜歡睇舞龍舞獅!!!
所以一見到 Citywalk荃新天地 有個親子醒獅巡遊既活動,
HEI HEI即刻問小熊貓去唔去玩。
當日, 每位小朋友先派發小獅子一隻,
睇下小熊貓拎到就已經好開心!!
而且還有一把大葵扇, 可以在扇上畫上新春祝福。
小熊貓急不及待咁同HEI HEI一齊玩!!
進行醒獅巡遊之前, 當然要學點舞下隻獅子!!
當日由夏國璋龍獅團教授簡單舞獅技巧,
總教練夏敬文師傅亦示範比小朋友睇啊!!
小熊貓認識了簡單的步驟之後,
開始在場內練習練習,
夏德建師傅還在埸內親自指導小熊貓啊。
經過夏師傅的指導, 小熊貓都舞得似模似樣呀~!!
好啦~~ 重頭戲來了~!!!
總共68隻小獅子,浩浩蕩蕩喺商場穿梭巡遊。
完成巡遊, 小熊貓仍然好興奮,
難得有咁多小獅子齊, 當然要黎一張大合照!!
除了小獅子, 小熊貓仲要影埋其他大獅子,
大獅子好靚呀~ 閃燈、閃片、毛毛... 簡直係就藝術品。
HEIHEI 都好想去整獅子~ (手工癮又出沒)
活動完結... 小獅子仲送比我地做禮物!!!
而家小熊貓係屋企可以日日舞了~哈哈~~
如果想學舞獅可以到 夏國璋龍獅團 查詢,
職員話最細三歲就可以學!!!
唔知小熊貓想唔想認真咁學呢??
#Citywalk試玩達人 #親子醒獅巡遊賀新歲
2018.3.21
------------------------------------------------------------------------------------
留言
張貼留言